AS CORBATAS DE DALÍ

Deseños dos anos 40´s 50´s para un empresario textil de Viveiro.

Dalí deseñou corbatas para un empresario de Viveiro asentado en Cuba, Antonio Pernas Corral. Se por algo o coñecemos é polo seu Chalet do Fondón en Magazos. Unha residencia indiana ben prezada no Landro, de estilo eclético, cor ocre, con torreón, tellado terracota, madeiras nobres escuras e unha finca que pasa da hectárea.

Antonio tivo unha fábrica de texidos e curtidoría, con 20 anos xa contaba cunha fortuna de 225.000 dólares, que perdeu por mor da pérdidad dun cargamento de sedas da China qUe foron roubadas no traxecto.

Dícese que Salvador Dalí cobrou 30.000pts polo traballo, que consistía na estampación de imaxes coa firma serigrafiada nas garabatas. Sabemos da existencia na actualidade de varios exemplares en mans de herdeiros de Pernas.

Imaxes recollidas de páxinas de artigos de segunda man: Ebay, Wallapop...